ياااا أستاذ خالد << ركزوا على هذي أستااااذ ههههههه عندك حصه إحتياط في 1/2 قلت ابشر أنا لها << متهور .. المهم , جيت داخل الفصل وكان الفصل دجه ورجه .. قلت بس ياولد إنت وهو .. ماسكتوا .. قلت امنع الصوت ياورع .. هههههههههههههه سكتوا الورعان ههههههههه .. المهم , قلت لهم كيفكم ياشباب , ردو وكأنهم في كتيبة عسكرية بخير يا أستاااااذ ... << مايعرفون اسمي للحين . المدير قال لي لاتقول لهم إسمك والقبيلة من البداية لين يتعرفوا على شخصيتك لأن نص الفصل من قبيلتك والنص الثاني من قبيلة مشعل هههههههههههههههه . وأكد علينا إننا مانجيب طاري الكورة والتشجيع لأن هذي الساالفة دايما تسبب مشاكل بين المدرسين والطلاب. قلت لا تشيل هم أصلا أنا ماحب الكورة .والله وأنا في الفصل وحصه احتياط كمان لازم أصرف هرج وكلام لأن المشكلة إن الطلاب مايحبون الدراسة وقت حصة الإحتياط خصوصا الإنجليزي. قلت لهم وش رايكم أعلمكم شلون تتعرفون على الأجانب لو قابلتوهم وكانت لغتهم الإنجليزية .. قالوا : طيب . وشرحت لهم شوي لكن شفت إن مالهم نفس. فقلت ياشباب لازم تعرفون إن المشاركة مع الأستاذ مهمة وماحد يتعلم إلا لما يشارك ولما تخطأ تتعلم مافيها شي .. زادت الأيادي المرفوعة للمشاركة .. فطرحت عليهم سؤال وقلت لهم .. ماهو طموح كل واحد منكم ... نقز علي واحد من وسط الفصل وقال : راعي غنم .. قلت له أولا لاتتكلم إلا لما أأذن لك وثاني شي رعي الغنم ماهو عيب لأن أبائنا وأجدادنا كانو كلهم رعاة غنم لكن إنت إنسان متعلم يعني لام تطمح إنك تكون دكتور أو مهندس أو معلم أو غيره . الولد انحرج وسكت لكن جنني كل شوي يجاوب بدون مايستأذن .. قلت له إطلع برا الفصل .. وهو الطالب الوحيد اللي طردته إلى الأن ... قال خلاص ماعاد أعيدها .. قلت في نفسي لا خليه يطلع عشان يكون عبرة لغيره ... جا له الوكيل وهو برا الفصل وقال ... خليني اشمطه بالعصا وكان جايب معه عصا فجعتني أنا شخصيا .. قلت له معليش يا أستاذ هذا طالب عندي لاتضربه .. قال ماعليك أنا أربيه لك .. قلت لا خليه عندي .. قال براحتك ياولدي . حكيت حكاية للطلاب وبصراحة تمنيت لو التدريس كله حكاوي .. تخيلوا ولا طالب تكلم وكلهم جلسوا يسمعوا للقصة بصمت شديد وكل واحد فاتح فمه كأنه جوعان وحسيت إني بنوكل ذاك اليوم ووصيتهم على والديهم وبرهم وحسيت إنهم إرتاحوا لي كمدرس.. وانتهت الحصه وطلعت للولد اللي طردته وقلت له ليش تسوي كذا ؟ قال والله أسف يا أستاذ لكن كان ودي أشارك معكم ... قلت له لازم تستأذن وأبغاك توعدني وعد رجال إنك ماعاد تتعودها .. والله يا أخوان هالكلمات أثرت في الولد كثير وجلس يعتذر ويتشكر فيني لأني ماخليت الوكيل يضربه ووعدني إنه ماعاد يكررها أبدا ... شفتوا يامدرسين ياهمج إن الضرب ماهو حل . أنا بعدها صوتي انبح من بعد هالحصص كلها وحسيت إني لازم أحط رجلي وأطلع من المدرسة .. رحت للوكيل وقلت له أنا مضطر أمشي لأني تعبت خصوصا إنها أول مرة لي . قال بيض الله وجهك توكل على الله وتعال لنا بكره بدري .. قلت ابشر. ولما جيتكم طالع من المدرسة تفاجأت لما حصلت سيارتي ... أقلكم وش صار ؟! .. سيارتي ... نكمل في الجزء الرابع
اليوميات روووعة يا الامبراتووور
>>>>>>> تحمست بقوووة
الله يوفقك انت وفيلارك ويسهل التدريس عليكم يارب
لا تتأخر علينااااا بالجزء الرابع متحمسه
لووووووووووووووووووول
تقبل مروري المتواضع وتحياتي لك
((ملكة الاحساس))
.. هههههههههههههه سكتوا الورعان ههههههههه .. المهم , قلت لهم كيفكم ياشباب , ردو وكأنهم في كتيبة عسكرية بخير يا أستاااااذ ... << مايعرفون اسمي للحين . المدير قال لي لاتقول لهم إسمك والقبيلة من البداية لين يتعرفوا على شخصيتك لأن نص الفصل من قبيلتك والنص الثاني من قبيلة مشعل هههههههههههههههه . وأكد علينا إننا مانجيب طاري الكورة والتشجيع لأن هذي الساالفة دايما تسبب مشاكل بين المدرسين والطلاب. قلت لا تشيل هم أصلا أنا ماحب الكورة .والله وأنا في الفصل وحصه احتياط كمان لازم أصرف هرج وكلام لأن المشكلة إن الطلاب مايحبون الدراسة وقت حصة الإحتياط خصوصا الإنجليزي. قلت لهم وش رايكم أعلمكم شلون تتعرفون على الأجانب لو قابلتوهم وكانت لغتهم الإنجليزية .. قالوا : طيب . وشرحت لهم شوي لكن شفت إن مالهم نفس. فقلت ياشباب لازم تعرفون إن المشاركة مع الأستاذ مهمة وماحد يتعلم إلا لما يشارك ولما تخطأ تتعلم مافيها شي .. زادت الأيادي المرفوعة للمشاركة .. فطرحت عليهم سؤال وقلت لهم .. ماهو طموح كل واحد منكم ... نقز علي واحد من وسط الفصل وقال : راعي غنم .. 
قلت له أولا لاتتكلم إلا لما أأذن لك وثاني شي رعي الغنم ماهو عيب لأن أبائنا وأجدادنا كانو كلهم رعاة غنم لكن إنت إنسان متعلم يعني لام تطمح إنك تكون دكتور أو مهندس أو معلم أو غيره . الولد انحرج وسكت لكن جنني كل شوي يجاوب بدون مايستأذن .. قلت له إطلع برا الفصل
. أنا بعدها صوتي انبح من بعد هالحصص كلها وحسيت إني لازم أحط رجلي وأطلع من المدرسة .. رحت للوكيل وقلت له أنا مضطر أمشي لأني تعبت خصوصا إنها أول مرة لي . قال بيض الله وجهك توكل على الله وتعال لنا بكره بدري .. قلت ابشر. ولما جيتكم طالع من المدرسة تفاجأت لما حصلت سيارتي ... أقلكم وش صار ؟!
.. سيارتي 
العرض العادي
